( إذا دعا مظّطرّ والدّمع مدفوق=منك الجواب اسبق لطلق الكليشه )

/
/
/
/
/
/
/
/
/
/
/
/
/

الحمد لك والشّكر بالحمد مرفوق=يااللي نصرت الهاشمي في قريشه
إذا دعا مضّطرّ والدّمع مدفوق=منك الجواب اسبق لطلق الكليشه
يااللي بيدك العزّ لزّاهد ايلوق=واتذلّ منهو زاد كبره وطيشه
طالبك يسّرها على عبد مزنوق=وضع الغلا والقلّ واقع يعيشه
ضيّق عليه الرّزق مايقرب السّوق=والحال مايخفاك وانته معيشه
صابر يجاهد في همومه ومحموق=مسرع يزيل الهم همٍ دقيشه
وعليك باللي حاربه حسد محروق=وامن امّة الثقلين مصفوف جيشه
وماله عليه ابزلّته ثار وحقوق=بسّ البلا طيش القلوب الغشيشه
قدرتك ياللي ترسل الغيم ببروق=والقاع من غيثه يخضّر حشيشه
ضيّق عليه وخلّ ماذوّق يذوق=واحرق ضميره حرقة اجراك شيشه
وعبدك بفضلك لو على القلّ مرزوق=يااللي رزقت الحرّ في نفض ريشه

الشّاعر / خالد بن عبيد بن معتوق ألأحمدي