شمة هوا تشفيك

اثر الهوى مربوط مع ريح الهوا دايم سوا= ماجا هوى اللا مع هوا طول الدهر تمشي برا
هب الهوا جانا الهوى يسبق نسانيس الهوا= هب الهوا وانشىى السحاب ولقحه ثم امطرا
والارض شربت وارتوت بعد القحط جاها الروا= ثم انبتت وامسى يغطيها الوشاح الاخضرا
هذا هوايا لاهويت وكل قلب ومانوى= اهوى الطبيعة لارأيت العشب الاخضر مزهرا
هب الهوا شميت ريح اللي به القلب انكوى= لولا الهوا مادلني تايه ولا ادري وش جرى
حتى دوا المجروح لا جانا الهوا ضاوي ضوا= جابه هوا مر الزهور وجا نقي معطرا
واللي يقول ان الهوى ماله دوا ضل وغوا= شمةهوا تشفيك مع رؤية جمال المنظرا
وان ماتنازل عن كلامه قلت له مالك لوا = جرب كلامي ثم قابلني وقلي وش ترا
يقولها شاعر بنى قافه على حسن النوا = من قبل مايبني بيوته باع فيها واشترا
وختامها ذكر الاله اللي على العرش استوى= ومن بعدها صلوا على سيد الرسل خير الورا

a