مسالمين الناس ما يسلموني

صبرت لين الصبر ضيع مبادية
واقفيت واثر الناس ما يرحموني

لوامة الرجال عقب المشاريه
وليا انكشف معيوب ما يستروني

ولقلت قولٍ يقلبون بمعانيه
وفي كل شيٍ ودهم يدخلوني

ما خلوا الي جالسٍ في مرابيه
مسالمين الناس ما يسلوموني

ولا فيهم الي مصغيلي اذانيه
صدوا وكن القوم ما يسمعوني

غابوا عن الي فاضياتٍ مخابيه
الا بشوف ريال جيبه يجوني

هذا زمانٍ يا عسى يزين تاليه
ولا ضنتي والقوم ما يفهموني