كربت هاجوسي وبديت التفاكير= من صفا راسي اجيب البدايع
الله يمسيكم بالنور والخير=ياللي هنا موجود والطيب ذايع
ودنا نعطي وناخذ مع الغير= فالعلوم الطيبات الروايع
يالله تدبيرك خير التدابير =يمنجي المكروب من حال ضايع
الذيب ماجنب وقت المعاسير =فالمعركه ثابت بروس الطلايع
كفاه مجد مسطر المجد تسطير= ساطي وروحه بول السوم بايع
من بعد ماجربت صك المناشير= شقا عذاب وهم فالعظم مايع
اداوي جروحي سواة المحاكير= ترمي ورى وتشد عالي الشرايع
يصاحبي منزلك شيخ المناعير= انت السهم والقوس وقرم الجدايع
مدمت انا وياك ياناوي الخير= مايجي بيني وبينك طمايع
انجدد الهمه واكب السير= اما تجي طيب ولا فجايع
يخالقي ياخالق الانس والطير= اغفر ذنوبي يوم حشر الجمايع