سلام ياللي تفعل الطيب يمناه

بناء العمومه بملتقى حرب السلام عليكم ورحمة الله وبركاته
امسي عليكم بالخير جميعا
وعذرا على الاغياب
لضروفي الخاصه

هذه قصيده كتبتها رد وفاء وتعبير عن مشاعري تجاه رجل غمرني بطيبه ومواقفه المشرفه والتي لن انساها مدى الدهر وعمر القصيد والكلام مايوفي رد الجميل والتعبير عما يجول بداخلي.
ولكن عسى الله يعينني على رد الجميل لأهل الجميل
هذه القصيده كتبتها بالاخ/ مساعد نخيلان بن سعد من المطابحه من الزغيبات من ولد محمد من حرب.
فهو رجل له مواقف معي كثيره يعجز اللسان عن حصرها وليس معي فقط .بل مع حرب ككل
وكان والده نخيلان صديق والدي ايضا وبينهم تبادل طيب...

سلام ياللي تفعل الطيب يمناه= اللي يسد اللازمه لانصيته
اللي ليا نشبت عقدها نصيناه= وبالمدح راع الطيبه ماجزيته
المجد من رأسه لساسه لمجناه= ابوه بافعال الوفا ذاع صيته
وجده سعد بالذكر لو مارأيناه=بالذكر اعرف الرجل لو ما رأيته
الطيب بذر وزارع البذر يلقاه= ازرع وبكره مازرعته جنيته
راع الشجاعه يرفع الرأس طرياه= تاج ينومس ذكر حيه وميته
شرواك يامساعد صديق عرفناه= وقت الله الله لا بغيته لقيته
راع الوفا والله على الطيب لأجزأه = اليا نصاني في لزومه قضيته
وماينكر المعروف والطيب ينساه= الا قصير الباع ينهد بيته
اليا قضى الحاجه عطى الرجل علباه = يدس رأسه من رداه بجكيته