ردي على قصيدة شاعرنا القدير صقر المراقيب (( الإعلام )

السلام عليكم

ردي على قصيدة شاعرنا القدير صقر المراقيب


البدع من خالد عبيد الأحمدي

مااحتاج للاعلام من صان الاقلام=ياصل لجمهوره بليّا كلافه
ياكم قناة ٍ تحتري له بالايام =ويفخر مراسلها لو انه استضافه
ويكفيه لونه نال لبداعه اوسام=في منتدى ربعه يشوف اللطافه
يومن بعض النّاس يطرد للاحلام=باللسلسه والدّنفسه واللقافه
ياصل لغاياته وذلّه له احزام=يالين يلقا شهرته بالزّحافه
وياخوك حنّا ماسعينا للاعلام=مسموع والمرئي وحتّى صحافه
نكتب قصايدنا ولاهي من اوهام=الصّدق منهجنا وادبنا ثقافه
ولاذمّ فالاعلام في بعض الاقسام=اللي ظهوره ماعليه الحسافه
ومن يستحقّ الصّيت يبقى له امقام =قصدي خفيف الظّل مابه عيافه
والحين جاك الخط واحكم ياضرغام=وضّحت مكنوني عليك بحرافه
والشّاعر الصّادق لياجاله الهام=يوضح حقيقة واقعه نظم قافه

الرد من / فواز الزويهري

حي الجواب اللي لفانا بالاوسام=عليه وسم ن فيه بدع وظرافه
حرفك ياخالد مثل نار فالاعلام=كل من لديه اشعور بالذوق شافه
أنا اعرفك وعيال عمك والارحام=شاعر جزل والخرف تعرف قيافه
لكن يبقا ناس من يمت الشام=وأهل اليمن وأثر السبب فالمسافة
مايعرفون لخالد احروف تنسام=لجله عن الاضواء أبعد مطافه
وغيرك بيوته تشتكي كثر الاسقام=وغنت بقيفانه عجوز الرصافه
واعلامنا اظهر مفاليح واقرام=جمهورهم للان موقف هتافه
واعلامنا اظهر خفافيش واقزام=لكن تلاشوا والتوافه توافه
وماقول تسعى خلفهم سعي الانعام=لاجاك رحبه وكب الجلافه
مثلك علم معروف ولشعرك اكرام=معنى ومغنى وحسن سبك وطرافه
واعلم ترا فالناس نقاد فهام =اللي يصرفون المعاني صرافه