ديوان الشاعر // سمو الاحساس // فواز السحيمي //

(نسبة الحب)



الحب ياهل الحب لوكان ينقاس
..................بقياس تصدق نسبته كان قسته

لوقلت له حبه معي مثل الانفاس
....................حبن حقيقي يالغلا ماصنعته

جاتك مشاعر صادقه وانت حساس
..................وانا سمو احساس بالود صغته

منزلك جوف القلب مبني على ساس
............ .منزلك وحدك وانت وحدك سكنته

والله مهما مرني غيرك اجناس
............. .....مابيع حبك دام حبي مابعته

حب البشر بالوصل ينقاس ياناس
...............كانك تعرف تقيس وصله عرفته

كتبت لك حرفين وارسلت عساس
...............تبغى تعــــرف الحب بالي كتبته

لو قالو ان الحب في القلب منحاس
..............يمكـــن تصدقهم وحبــك تـركته

ياصاحبي ربي خلق مخ في الراس
..............حاول تفكر في كلامن رسلته

فكر وكان الكهرباء لامس الماس
.............ارسل تراي امزح فما قد ذكرته

دام الدواء موجود معكوس الاقواس
............ارسل عسى ماضاع جهدن بذلته

الحب ياهل الحب مزروع في الناس
...........ويبين عبر الوقت زرعن زرعته