بين بدر العجمي وعلي الحصني (2)

سلام الله عدد مالاح براق ورعد ورعـاد=ياناس الحله اللى فى علوم الطيب مذكوره
لقيت ان المشاكل كاثره ما عنهـا نشـاد=ولقيت ان العصى فى تالى الايام مشقوره
هلا يا مرحبا الترحيبه الي نورها منقـاد=كتابتها تكفي ما تبـي صوتـاً ولاصـوره
ولايابدر ما ظنـك تتبـع غـرت الاجـواد=من شروط الصلااه الله يجيرك سترة العوره
يدوم الك البقا واهل النقـا فالطيبـه تـزداد=ولاعينتها ..مسرور.. وهيه.. جعل مسروره
انا خبر المرض ياصاحبى يلحق على الاجساد=ولا يترك ..كذا.. والافضل يشخصه دكتـوره
تواجهنى وسولفنى سولف دون ملح وزاد=وكلن عارفن حقه وكلـن محتمـي دوره
لاكا ن انك مكلف بلقضيه حضر الاسنـاد=ولا كانت لقافه نمسك الملقوف في زوره
زرعت الحب لاكن ياعلى وش حصل الحصـاد=لقيت السوس به مدسوس والشايب وباكـوره
وانا ودى تهون السالفه ..وشوف!!.. قدح زناد=وابو بابور فى جوف البحر مخطـور بابـوره
بغينا معرفتكم ون تحيتو مع وسيع المـاد=وانا نفسي على الي منتحي ما هي بمجوره
ونا خايف على اخويه بدر من هرجة النقاد=ابيه يجنب العالم ويمشي حسب مقـدوره
نوردها على عدا الرهى مايبلـش الـوراد=عبـاد الله منهيـه عـبـادالله مـامـوره
ولد العين فى خطن كتبته لا تروح.. بواد=انا ..خبرك.. رجل قانون مايجهل بدستوره
حرمتونا من الدله ونحرمكم من البراد=وشرهتكم على مشعاب ولا راس تنوره
ليا راحة مراح ابو عدي الي حكم بغداد=بحرنا تعرفه ما ينقصه عشرين ماسوره
ليا خربت طبوعك ياعلى تشهد عليك عبـاد=وتصبح سيرتك مابين كل الناس مشهـوره
ياطيبك ياعلى ..لو ..ان.. بس اتهدى العداد=وشوفك قدم جيش حنيك قايد راس طابوره
يقو لون العرب لابد صياد الفهود يصـاد=وتراء راع السواري ما يعود يلعب الكوره
انا طيب مع الطيب وعندي سـم لالكبـاد=ونعرف جيشك الي تذكره دعواه مخبـوره
كثيرات السوالف والقصص من مصطفى العقاد=ولا منك بغيت تصير مثلـه خـش لـك دوره
نعرف ان الرجال ارجال ونعرف السيوف حداد=وعرفك طير ابو دنقور طايح نصف دنقـوره