تمردي يا روس حرب الحريبة=على بواعيث الدهر لا أقبلنَّا

سلام ينصا كل رجلٍ يجيبه=مبني على حرفٍ وعرفٍ وقنَّا
من راس رجلٍ قال في سد غيبة=عن روس ربعه والمعارض مهنَّا
تمردي يا روس حرب الحريبة=على بواعيث الدهر لا أقبلنَّا
وارقي شواهيقٍ طوالٍ عجيبة=ما طالها بين العرب كود حنَّا
الكايدة ياحرب منا قريبة= لو كان بعد الشمس يا حرب عنَّا
يوم الهدف قليل منه يصيبه=ما أخطا الهدف أقل رجَّال منَّا
حزنا الجزال المرمسات المهيبة=على مهابتهن بلا فخر جنَّا
وحنا لها بالطيب والا غصيبة=بفعولنا ما هو حصايد لسنّا
والبيض تنصا فارضين الضريبة=على المعادي وروسهم ما تحنَّا
اللي لهم في يبست الريق هيبة=بسيفٍ وقرطاسٍ وشلفا تسنَّا
بدر وسبيل مطوعين الصعيبة=عن فعلهم قدام قالوا أهلنا
قالوا ليا ضاقت علينا الرحيبة=صدورهم تاسع لنا لا حصلنا
وابن جزاء وابن زويبن صليبة=روسهم وتشوش لامن وصلنا
وغازي وابو تركي وباقي الكتيبة=العذر وافي كان عنهم غفلنا
ولافي سفير الوصف ماهي غريبة=لافز نخوة للرفيق المعنا
معروف أنه في النخا ننتخيبة=ماهو قليل ولا أختلف فيه ضنا
لكن عساها ما تطول المغيبة=ويطمن اللي ينتظر ما تهنَّا
والسالفة والله ميانة وطيبة=ما هي سوالف قوم منا ومنا
وقد قلتها وقوْل الخطا ما احكيبه=هو تاج راسي والمدايح تثنَّا
ومدحي لربعي يوم أنا أعتنيبه=ما أذم ربعٍ أرزمت لا أرزمنَّا
كل القبايل مثل ربعي عريبة=لها على العليا قصورٍ تبنَّا
الا أن ربعي فعلهم في المنيبة=حتَّم عليَّه للصعاب أتعنا
وأجيب شيء لمثلهم ملتويبه=في وسط بستانٍ بها الطير غنَّا
فيه أقحوانٍ أنعش الحرف طيبة=وعطر بيوت الشعر من كل فنَّا
وأنا حشا ما أقول في الناس غيبة=وفعل الجزيلة غيرها ما أتمنا
وعذري مبدا لكل شبٍ وشيبه= إن هي بيوت الشعر ما جملنا
لان العطا من دون شكٍ وريبة=يفخر به الرجَّال في كل فنَّا
وختامها صلوا على نور طيبة=أعز وأشرف من سكن في وطنا