زومالة مداعبة مني للوالد رحمة الله عليه

السلام عليكم ورحمة الله وبركاته



هذه زومالة داعبت بها الوالد رحمه الله قبل عامين بعد ان كنا انا ومحمد ابني عند صالون الحلاقة


وقال بسوي كبريا يابوي زي فصلي هههههههه

بدعي =
سلام ياعودن على روس الحجا حاز المكانه=
وربى عياله لين جو جنبه لكن ماجو مكانه=
لكن حفيد العوّد ماشفناه قالوا ذا مِكانه=
توه صغيّر فالعقل لجله صغيّر فالسنين=
والثانية العلة من المرضان يبديها لسانه=
لو شخصّ الدكتور من راسه يخالفها بيانه=
ويلقى الدوى عافه مع الايام مايبغاه شانه=
الله يهونها ويجعل عسرها يقفاه لين=

رد الوالد (رحمه الله ) =
يامرحبا باللي على دربي رفع قدره وشانه =
اللي يمين العوّد طول الوقت مايعرف شطانه=
يكبر حفيد العوّد كان ابوه فالمشوار عانه=
واعلم ترى للتربية مردود ذا علمٍ يقين=
البدو لو لاحت بروق الصيف ماشدو عشانه=
منه الجواب ازعجك والمنطوق من نظرتك خانه=
ياللي تبى وقته كما وقتي و وقتك في زمانه=
نصيحتي غيّر علاج اليوم لك بكرة يزين=