ديوان الشاعر سعد عامر المحمدي

نخوة وفاء موجهة لقبيلة حرب ووجيه الخير من كل القبايل على لسان طالب العتق /عوض عيد الحويفي المحمدي الحربي نسأل الله له التوفيق في كل الأمور :

سلام واللي نبي بعد السلام العلوم= علوم نسمعلها وعلوم نبدابها
ياحرب يادرعنا الواقي نهار اللزوم= قبيلة بالنهار الشين يدعابها
ياحرب ياتاج راسي بالزمان الظلوم= لولا التكاتف على ما قيل رحنابها
ياحرب ما فيكم الحربي ردي العزوم = انتم سلايل هل التوحيد وانسابها
يافزعة اللي من الضيقة يطيح ويقوم = تشري عمار الحروب وتعتق ارقابها
يوم ان ما جابها حب اللحى والخشوم= انتم هل الفزعة اللي يحسب احسابها
ينخاكم الحربي اللي طاح بين السهوم = يصيح باسم القبيلة ويتعزوابها
حربي ومحتاج ميقاف القبيلة عموم = ومحتاج حتى معارف حرب واصحابها
تكفون ياللي تحفظون الوفاء والسلوم =اسرة عوض عيد تنخاكم على اعصابها
المهلة اللي معه ميه وعشرين يوم = ومن بعدها تدفع الادية لطلابها
تكفون يوم انفتح ياحرب باب القدوم = تغانموا فرصت الرحلة وركابها
ترى الرخاء والعلوم اللينة ماتدوم = والكلمة اللي فرض راشد فرحنابها
بجهودكم ياهل النخوة تزيل الهموم = واهل الوفاء تفعل الحسنة وتسعابها
ميقافكم يجبر العثرات والله رحوم = والكلمة الطيبة ما ينقفل بابها
ما فيه رجال من كل الذنوب معصوم = لا بد من حاجة تجبر ويبلابها
الادمي زينته بالعافية والهدوم = والدين والصدق واخلاق تحلابها
واللي محافظ على كل الفروض ويصوم = يصارع الوقت والاقدار يرضابها
وراع الردى والبخيل نقاطعه ومحروم= تستبعده حرب حاضرها وغيابها

الشاعر /سعد بن عامر المحمدي الحربي