هرج القفا مابه مكاسب ولا صيت= يمكن لسانك للمهالك يوديك

يالله تكافينا الحسد والشماميت=يالواحد اللي كل مخلوق يرجيك
يالخالق الرزاق ياحامي البيت=ارفع مقامي عند ذولي وذوليك
حلل بعقدة من لساني لياجيت=يفقه كلامي دون ريبٍ وتشكيك
يالادمي مسكين مهما تقويت=شوكه صغيرة من منامك تجزيك
توذي عباد الله ليا من تعفيت=احيان بلسانك واحيان بيديك
وشتستفيد ان كان بالناس سبيت=الا الذنوب اللي على النار تصليك
هرج القفا مابه مكاسب ولا صيت= يمكن لسانك للمهالك يوديك
يالادمي في حق نفسك ترى اخطيت= تضحك على ناسٍ ويضحك بعد فيك
اذكرك بالموت كانك تناسيت=لاغرغرت النفس ماعاد يمديك
المال ماينفع ليا من توافيت=اغنم حياتك يوم ربك معافيك
العمر مكتوبن اجاله بتوقيت=اما مرض والا تراء الموت قافيك
مالك عن المكتوب لوكان هجيت=وللي كتب بالوح لابد ياتيك