إلى القدير / فوّاز الزّويهري( ربعك زبيد اللي لهم طيب مشهور)

/
/
/
/
/
/
/
/
/
/
/
/
/
/
/
/
/
/
/
/
/

من شاعر ٍ بالعرف والطّيب مخبور=وله عزم ياصل كل علم ٍ يريده
تحضر هاجوسه دايماً مابها بور=تنظم على البحر الصعيب وتجيده
واليا طراله علم يكتب على الفور=ويملك سلوب ايجيد سردّ القصيده
سلام فيه الطّيب والعزّ مخشور=وضح النّقا جبناه ممشاه سيده
يرفع مقام اللي وصلّه بدستور=ايزيده بحشمه قدر مايفيده
ياصلك يافوّاز ياطيّب الشّور=شيخ ٍ حفيد اشيوخ خصمك تكيده
ربعك زبيد اللي لهم طيب مشهور=واحسابهم بالطّيب زايد رصيده
ماتهمّها دنيا بها نقص وغرور=تجهد وتطمع للعلوم الحميده
بيمانها يسّر لها كل معسور=وجيرانها في ضلّها مستفيده
اشكي لكم حالي من الودّ مقهور=وازريت يافوّاز لخفي وقيده
بذلت له جهدي بماكان مقدور=ودزّيت جاهيه رجال ٍ شديده
والجاه ليته فالقضيّه لعب دور=الوضع هو الوضع غايب جديده
كل ماطرالي جبته بجهد ويسور=ماغير هذي في حياتي وحيده
والرّاي من يمّك يابن الاجواد منطور=وصاحبك يقبل بالعقول الرّشيده
وحذرا تقول انساه لو كنت مجبور=هذي يابو محسن تراها بعيده
لاكن عدد ماتخطّ الاحبار فسطور=صلّي على محمّد ختام القصيده

الشّاعر / خالد بن عبيد بن معتوق ألأحمدي