. . . ( وش هو الباقي ) . . . !!

مساءكم سكر :

.

.

كل عام والخير أنتم .. !!

تقبلوا هذه المشاركة مع كل الود .. !!

.

.

اليوم ياسيّد أفراحي .. وياهمي =دوّرت عن وجهك المزروع بأعماقي !!
المستريح .. بخلايا الروح في دمي =ماكنه إلا ملامح (صوتك) الراقي !!
وجه ٍ ربيعه .. لغيري .. والحزن يمي =شاحب وتذبل على تاريخه أوراقي !!
ألملم الشوق منه وكيف يلتمي =أكثر معالِمه غربة .. وش هو الباقي !!
وأودعه .. وأطرد الآهات من فمي =وأقول في صمت : هذي لحظة فراقي !!
محبتك لو تنسيني ( حليب أمي ) =ماغيّرت ياظما قلبي من أخلاقي !!
ملّيت وين المهم .. ووين الاهمي =ووشلون في يوم صرت ( أعز عشاقي ) !!
ياسيدي لو تربى حبك الجمي =مابين حدب الضلوع .. وبين الأحداقي !!
ماكان أسقيتني بيديك من سمّي =وصادرت قبل نتفارق (طاغي أشواقي) !!