هذه الابيات مرثيه في والدي رحمه

السلام عليكم ورحمة الله وبركاته :

هذي الابيات مرثية في والدي رحمه الله واسكنه فسيح جناته

والذي وافته المنيه فجر يوم السبت الموافق 26/7/1433هـ

روح اللي كل وقفاته اتهول=الشجيع اللي على العز رباني
درع جنبي بالقاء من زمان أول=سيفي اللي ميتوانا لعدواني
كل ما شاف الحمل فوقي امتول=شال حملي ورتكالي وواساني
بين فعل الطيب والجود متجول=وقفته تعرف مع الجار والعاني
بالكرم والكلمه الجزله امخول=مع بعيد الناس ولا مع الداني
لاجلست اليوم بالبيت لي زول=يوم يمزح يوم ينظر بالاعياني
يالله انك ترحمه بعد ما حول=وسط قبره يا لطيفاً بالانساني

أخوكم / عبدالرحمن بن عبيد المخلفي