على الحصني وتركي الشيخ

ياسلامي برده عد نظم البيـوت=عد ماغنـوا الشعـار بالقافيـه
ماخبرنا المجالس ياجماعه تموت=وش بلا ناركم يا جارنا طافيـه
ياهلا مرحبابك ونتبـه لاتفـوت=لاتفوت السوالف يامـل العافيـه
نارنا ماطفة ياصوره بدون صوت=ياخليفة ممثـل حـرب صيافيـه
وش تبى فالرسيفر دام ماله ريموت=طيع شوري وخلك في عباه دافيـه
ميته ثم بانـي فوقهـا عنكبـوت=والليالي تـدور وتسفـي السافيـه
ياحليل السوالف ياحليل السكوت=ياحليل التحرك قـدم وخلافيـه
انت تبغى عسل ولاتبي عنزروت=اوتبينا نحطك ريـس اوقافيـه
كرت واحد يكفي عن ثلاثة كـروت=لاتدوس الرمض دام القـدم حافيـه
تشرب الدم الاحمر تحسبه طعم توت=الذيابـه تراهـا فـوق مشرافيـه
ياولد ماتعرف الموت لينك تموت=جرب الموت مره وحـده كافيـه
وش يقول العواجي يوم غنا بنوت=والله اعطا قلوب امتان وصخافيه
هب يالموتر اللي مويته فالزيوت=خبطت والمكينه هافيـه هافيـه
لاتجي للبحر من ثم ياكلك حوت=والبحر مايغرفونـه بمغرافيـه