...ظـــروف الــوقــــت....

مهما ظروف الوقت منها تألمت=ماباح شي(ن) وسط جوفي كتمته
بالصمت اعالج كايد الجرح بالصمت=والغيظ لو يحرق فؤادي كظمته
ان ضقت في دعوة كريم(ن)تحيزمت=فيه الرجا ماخاب لامن زهمته
ولوهي ليالي من عنا الهم مانمت=كم مرة(ن)بالصبر همي هزمته
وان طالت ايام الشقا ماتشاءمت=امنت بالله والقدر ما شتمته
وماحاك شي(ن)وسط نفسي تكتمت=النفس أسيرها على ما رسمته
ياما بهالدنيا درست وتعلمت=والصمت درس(ن)في حياتي فهمته
ماكل منهو لاسألني تكلمت=كم حاسد(ن)من غيب روحي حرمته
مادمت في دنيا المخاسير مادمت=ماحد(ن) على بوح السراير عزمته