ليا شفت صف هذيل قلنا سلامات=سلامات من كل الليالي المخيف

ليا شفت صف هذيل قلنا سلامات=سلامات من كل الليالي المخيف
تدور الليالي وللقيامه علامات= ولا كل متحدي بدى فالمنيفه
ياصياف لو راحت الأيام لو جات = قويه على الطرقه تشيل الضعيفه
تباها خطر وألا تباها سلامات = ونفسي لتبع الشر ماهي حسيفه
يارداد ما بيني وبينك علاقات= ولا انته وليفي يا مضيع وليفه
بغيناك تدخل فيسجل المسرات = ولا سجل اسمك في هذيك الصحيفه
لياماتت الصحبه وراعى الوفاء مات= طلبنا من الباري يجيب الخليفه
ابا اقرى عليك الفاتحه والتحيات = تبا كلها وألا يسد النصيفه
طريق الهدا في طلعته عشر لفات = ما يمشونه اصحاب العيون الكفيفه
ابا امشي معك وانته علوك ثقيلات = علومك ثقيله وانت نفسك خفيفه
يمشيك من نور الفرح عشر لمبات =وانا لاني على سرجه ولاني رديفه
ليا شفتني ونيت لك عشر ونات= وقلبك عليه من المدافع رديفه
كشفنا علومك فالسنين القديمات =سمعنا الرعد والبرق شفنا رفيفه
صواريخ هوك منصبه فالمنصات = تبي لك وظيفه منت لاقي وظيفه
يجي في هجوس الشاعر جموع وشتات = وجذع النخل يابس ويابس صريفه
لياطاح نجم علياًًًًًًًًَََفالسموات =يطيح الحيا من صيف وألا خريفه
للأخلاق ميزه وللمكارم ملذات = ينالونه اصحاب النفوس الشريفه
ومن ياكل الشمه يبا ياكل القات = وغطى على راسه بظل السقيفه
قبلنا ليا جاتنا على حسن نيات= حليفي عليه الحظ وانا حليفه
وإذا الصيرفي غش الذهب والجنيهات =رميت الحزابه فوق ظهر العسيفه
سنت الف واربع ميه وخمس عشرات=تشوف الحيا من صيف وألا خريفه
وسلم الذهب فعمان مثل الأمرات= وكل على كيفه ويكفيه كيفه
حذاراك من حذف القدم فالمطبات = الهداف ملفوت النظر لتهديفه
اشوفك مليت الباخره بالمعدات = وعندك من الطرقه علوم ظريفه
ترى الله خلق له نار حمرا وجنات= مهيفه لها كل النفوس المهيفه
تقيس الدير واتعبتنا بالمسافات = وحرمتنا تمر النخيل المصيفه
ليا كان لك في حومت الحرب غزوات= ليا دق زير الغاره اسمع رزيفه
تصوت وقلبي ينعشه بعض الأصوات= وانا في تهامه وانت فجبال فيفه