قصيدة لشاعر سالم السامود ومجاراتي لها

ياهل الونيت اللي من ارض اليمامه=افتر ويله ونطلق وجهته غرب
يوم انهضه قو النمر في مقامه=حرن على مد النضر شاف له خرب
ووما جناحه بعد جوع وحدامه=من كف صقاره وشرب الفضا شرب
بعد اعتلا بالجو دونه غمامه=حول تقل يم الوطا تكربه كرب
من بعد محواله وقو انصرامه=فج الثنادي فج من قوت الضرب
ماتو صلون اللي تكدر منامه=بين العيون وبين حلو الكرا حرب
تكفون ياهل المرجله والشهامه=مابه كلافه لامشيتو على الدرب
يبي القصيم اللي به الانسجامه=ويجلا صدا كبده من البعد بالقرب

سالم السامود

من هاجسن ماهو مغير نظامه=نظامه اللي يكره العوج والجرب
نويت اجاري من وصل لزعامه=بعلومه الجزلات واسلوبه الذرب
الشاعر اللي ما تراعد اعظامه=راع الوفا من نسل عز الخوي حرب
هواجسه فيها التفنن علامه=واليا دعاها جات يمه كما السرب
ينخى هل الصملات والاستقامه=اللي ترى تطرب مواقيفها طرب
يبغى المكان اللي بداية غرامه=دار القصيم اللي بها البال ما خرب
يعني على ما شدني في كلامه=ان السعد ضده مثل قوة الصرب
حاله قضى يالله تحسن ختامه=يالواحد اللي تفرج الضيق والكرب

عيدالرحمن المخلفي