مرحبا من هيض صدراً مدى سده بعيد ( حبيب العازمي و صياف الحربي)

مرحبا من هيض صدراً مدى سده بعيد = ما يبيّح بالســـــــراير وحظه معتلي
السنه تبدي وتقضي وتبدي من جديد =وأنت يالحربي تحدى ونارك تصطلي
البقا باللي بداها على الفال الرشيد = نوب يرقص مع جهينه ونوباً مع بلي
السنه يعرف عددها ما ينفص ما يزيد = والبشر تاكل لو انّ الصحن ما يمتلي
لا يغرك ما يفك الحديد الا الحديد =سالفة في المذهب الشافعي والحنبلي
لا تخليها طويلة ترى ما تستفيد = كيف رجلاً معك سكر وتاكل لك طلي
أنت رجالاً محكّم وشاطر في القصيد = مير تسرح مع عتيبة وتمسي عبدلي
العيون الحول ترمي كثير ولا تصيد = وأنت لا شفت الطلي قلت يا خيّ خل لي
معك عفريتاً محنك وشيطاناً مريد =يوم ياصياف حربي ويومين اسهلي
ياهبوب الريح هبي على خضر الجريد = ما حكم فاهل المدينة حسين ولاعلي
ما رماك ابقاعة البير غير ام العبيد =وان رجعنا للحلايا ترى مالك حلي
في ثلاث ايام نرسل حبيب في البريد =البنادم يبتلَى والبـــــنادم يبتلي
ياسفير اسويسرا والبنوك ام الرصيد = يوم قلت العام خلك معي وش قلت لي
حزّة ً فيها نطقك تراها يوم عيد =طقة ً في الراس والا في عرق الاكحلي
يوم غف الك السمن والقدور ام العصيد=قلت لك فوقك رعود وسحاب ايهلهلي
لو معك سكين يمديك ذكيت الهريد=وان فزع لك عازمي قلت منته من هلي
بين رابغ والقضيمة تصيد اللي تصيد =والعصيمي لا يشوفك يلقيك الخلي
لوّ دمك عقب همّك يضخّ مع الوريد= كان ترضى من رضاية ويزعلك ازعلي
أنت ياراعي الدفيتة شقي مدري سعيد= في يدك مجنون ما ينطبخ ما ينقلي
كان في راسك ظفر قيّد العاصي بقيد= واترك الثيران تشرب وتاكل في حلي
أنت ياراعي المدينة مشعوذ ما تهيد =فالقطيف اثنين والثالث أنته يالولي
امتلت حفرة جهنم وياهل من مزيد = يا صواقع صرقعي يا زلازل زلزلي
ما يغش الأرض غير انت يا هذا الوليد= راسك اقرع والشعر مثل حب الفلفلي
لوّ رفـّعنا اربعة من نقيب اليا عقيد =جاتنـــــــــا ليلة شهر مظلمة ما تنجلي