حداية قبيلة العطاوي من السلمان والرد من البشور من حرب 000000000000000000000

حداية قبيلة بني عطا العطاوي من سليم
بإسم لافي حميد العطاوي وعبدالرحيم ضبيان العطاوي وخوياهم في حفل زواج الشاب نواف نجل الشيخ محمد بن زارع البشري والرد من البشور :

سلام رديّه على وضح النقا للي دعونا=
جينا نكملّ في وجوب اللي تعنّوا لين جونا=
حنّا ليا أوعدنا نجي ونقابل اللي واعدونا=
(واللي ينادينا نجاوب له ليا أوحينا نداه)=
والثانيه وش رجْلْ أصم أبكم لكنّ أدهم دهوم=
مرسول قواته معه للحرب حاكم و مْحكوم=
صديق للصدقان من عاداه حظه ما يقوم=
(لكنّ لا يعطي ولا ياخذ علوم اللي نصاه)=

الرد من البشور :

يا مرحبا بضيوفنا عَداد همّال المزونا=
جيتوا على التكميل يا حيّ الرجال اللي لفونا=
واللي يجينا نجيه ما نقصر مع اللي شرفّونا=
(نكملّ الواجب ما نخلف مع هلَ الواجب سراه)=
والثانيه حسب الكلام اللي وصلنا يالقروم=
هذا قرار المجلس الدولي ليا جات الخصوم=
وألاّ قرار الفيتو اللي مثل ضربات السهوم=
(ما يهمهم يرضى عليه الخصم وألاّ ما رضاه)=

وسلامتكم