( انا اعرف السّحمان فيهم شكاله=اهل المروّه والوفا والحميّه )

/
/
/
/
/
/
/

السلام عليكم ورحمة الله وبركاته

هذ القصيده هي ردّ جميل للاخوان
فيصل بن معيض السحيمي
و
ابن عمّه
احمد عبدالله رجا السحيمي
بعد وقفتهم معي في موضوع صعب علي حلّه
ولاهي غريبه عليهم وقفة الرجال
وانا اقدم لهم الشّكر الجزيل ومن لايشكر النّاس لايشكر الله

/
/
/

نخيت بالسّحمان راعي بساله=من راس قوم الطّيب فيهم سجيّه
وانا اعرف السّحمان فيهم شكاله=اهل المروّه والوفا والحميّه
هذي سلالة طيب نعم السّلاله=وافعالهم ماهي علينا خفيّه
واخصّ في قولي وقولي عداله=عزيز نفس ولاالتفت لدنيّه
هو فيصل ابن معيض ياللي عناله=مطنوخ مايرضى غبينة خويّه
ناخيه ماينضام لو دون حاله=وماهي على ابن امعيض حاجه عصيّه
يصخر لمن ينخاه حاله وماله=ويفكّ حبل المعضله فالقضيّه
معروف مايعرّف علم للرّجاله=وجانا منه معروف يجزا بذيّه
الله يبارك له ويكثر حلاله=ويطول عمره في حياة ٍ هنيّه
ويحفظه لمحبّه ويحفظ عياله=وتعيش نفسه بالمسرّه رضيّه
ولاتهون يااحمد منتهى كل قاله=واللي وفاك بطيب توفيه زيّه
لاجاك من ينخاك يرمي عقاله=يلقى مسرّه تنهي لكل سيّه
جدّك رجا بالنّاس تمدح فعاله=وابوك عبدالله عطيه التحيّه
له مجلس ٍ بالطيب فاحت دلاله=للي لفاه يقول يالله حيّه
واللي ربا بطّيب هذا مجاله=وهذي شهادته سجّلوها عليّه
آقول ياالسّحمان فيكم بساله=يامقدمين الطّيب باطيب سجيّه

الشاعر / خالد بن عبيد بن معتوق ألأحمدي