ناسٍ عليها فاتح الريب طاقه .......

خاطره قلتها لاخٍ لي وكنا في رحلة ٍ خاصه لموضوع خاص مع مجموعة من الاخوه ::

عما يسر البال قلي وابا اقول = ونتجاذب اطراف الحديث بلباقه
سوالف ازحول الرياجيل لزحول = ماهي علوم هل العلوم الدقاقه
وعما يضر ..الباب مزلج ومقفول = والفكر ماله يم هالنوع فاقه
وعما يريب الغير ماني بمسؤل = ناسٍ عليها فاتح الريب طاقه
شفي فعول الطيب والطيب مبذول = واصبر لو ان الصبر مرٍ مذاقه
لو شفت مايجرح شعوري فلا حول = عن دربي الاول ولابي حماقه!
وانا على العليا مساعي وانول = مجدٍ تليدٍ في يديني وثاقه
تاريخنا بالمجد حافل ومكفول = ماضي ٍ مشيّد ماتمايل ارواقه
والا انت تدري ترجم القول بفعول = ماعاد عندي للسوالف لياقه