مرثية بالشيخ رباح بن طعيميس رحمة الله علية

هذه القصيدة المرثية قلتها بعد ماشاهدت بيت الشيخ رباح بن طعيميس الحربي الله يغفرله ويسكنه فسيح جناته

عمار يابيتن على العز مبناه = بيت ابلجن لاجيت رحب وحيا
شفت الدلال وشبت نارة ومركاه = توي دريت ان الليالي كذيا
عزالله انا يامحمد فقدناه = راع الكرم والمرجله والحميا
شيخاً على الشداة يضحك محياه = رباح خصم القوم سمح المحيا
صميدعن ياقل مثله وشرواه = فعله على الرديان بعد الثريا
وجهة يبشربسعدقبل تنخاه = ياما نصيته في لزوم وتهيا
في قاله يبذل المال والجاه = وليا طلبته واسطه قال هيا
ومن حدته لوعات الايام ينصاه = إبفزله ويقول عندي هنيا
لاقام فلموضوع جابه من اقصاه = يوم الردي لولاالبخاشيش عيا
مرحوم يالي تفعل الطيب يمناه = نذرن علي مانساه مادمت حيا

مساعد بن ضعيان البدراني