فازع الصيده وصياف الحربي رحمهم الله

اقدم لكم هذه المحاوره للشاعر فازع حمدي العوني(الصيده) رحمه الله

مع الشاعر الكبير /صياف الحربي رحمه الله

صياف=
البروق تلوح يافازع ولدري وش وراها=والبحر مالح وبعض الناس عيوا يشربونه
الحرار السود يبسن ما يبل الحلق ماها=مير روحوا للطعام اللي منول تاكلونه
فازع=
لاتخيل بروق يامخلوق في عالي سماها=والبحر له تحليه والراس عزه من متونه
الحرار السود تقعد من خلاها في خلاها=مانبا بعض الطعام اللي وراه يحول دونه
صياف=
عمك اللي عام الأول كل ماتهدم بناها=التفت يمك بعينه واختلف شكله ولونه
طاسة الراعي تغطى والهواء طير غطاها=والعرب زعلوا على الراعي وقاموايشمتونه
فازع=
عمي اللي عام الأول طرقته قام وحماها=مير ميت عام الأول قدم وقته تبعثونه
طاسة الراعي ليا ذلوان تذلم من ملاها=تشتهون الدرب الأعوج والسنع ماتشتهونه
صياف=
فالزمان الشين اشوف الناس لدت فعملاها=ذاك يرمونه وراء الغبه وهذا يظهرونه
بطنك احمر يوم جم البير يطلع من شفاها=كيف عقب اقفت وحتى بالرشا ماتلحقونه
فازع=
فالزمان الشين عينك ماتلفت فاقرباها=مار ذا هالوقت حبل الوصل قمتوا تقطعونه
وانت الك عشرين نيه والجبال ارسا حصاها=والربيع ان قدر الله قسمنا ماتاخذونه