الله يسامحني إذا عندك أحساس..!

صباحكم رضى وسعاده من الرحمن..

حين تكتب الشعر في من لا يستحقه..!

يجب ان تكتب الآتي من الكلام..

كتبت فيك الشعر لجـل انـي اعجبـك=بس انت ما تفهم ولا عنـدك أحسـاس
كنت اتمنى بـس لـو بيـت يجذبـك=لاواحسافـه يالحبـر فـوق كــراس
اظمى وغيري يعطشـك ثـم يشربـك=الله عطـاك الغيـر وعروقـي ايبـاس
اتعبـت قلبـي جعـل الأيـام تتعـبـك=ويبلاك ربي في هـوى كلـه اتعـاس
ضحيت ثم وفيت وازريـت لا اكسبـك=لين [اوقفتنـي] عـزةٍ مالهـا اقيـاس
واليـوم لا والله مـانـي بغاصـبـك=برفع قصيدي عنـك واقـول لا بـاس
ماني بولي امرك على شـان احاسبـك=يالي خفـوك شيـن والطيبـه البـاس
عطيتك اكبـر مـن مقامـك ومطلبـك=ليت اندفاعي ما حصل عقبـه افـلاس
جيت بتواضع لاكـن [الكبـر] جنبـك=خسرتني وإلا انت قصـرٍ بـلا سـاس
وحرف القصيد الي مدح فيك ولا اطربك=عانه على فرقاك يضرب لـك اجـراس
قـول لـغـرورك عزتـي دوم تغلبـك=لو كنت غالي..عزتي ما لهـا اقيـاس
والمعذره كانـه قسـى قلـب صاحبـك=ان كنت تشعر بالقساوه وإذا حـاس..!
وان كان يجرحك العتب يـوم اعاتبـك=الله يسامحنـي إذا عنـدك أحـسـاس

[COLOR="SlateGray"][FONT="Arial"][SIZE="4"]بقلمي

انا