صحيح مايمسح الصبورة إلا غبي

هذه المحاورة جرت بين شاعر حرب/ راشد السحيمي و / فواز العزيزي


راشد

الليله الليل بدري و السوالف كثير= نقدر نقول العلوم و نأخذ اللي نبي
ان جيت ازعلك يافواز تزعل مطير= لكن ما انته رسول الله و لا انته نبي

فواز

ماتاخذ إلا العلوم اللي تسر الضمير= على سلوم الرجال و مطلبك مطلبي
انا احمد الله قدري عند ربعي كبير=مالك و مال الخطأ ياضيفنا الاجنبي

راشد

لاو الله اللي تضرك خلها فالاخير= صحيح مايمسح الصبورة إلا غبي
استقبل الاجنبي يالله عسى فيك خير= بعض السوالف حرام اتمشها فـ شنبي

فواز

الظاهر ان السوالف دلوا في بطن بير= مار العصى ياذلول القوم و إلا اشربي
عود على حرب ياراشد و بئس المصير= لو كان تمشي مشي لو كان تحبي حبي

راشد

هذا السنة فيك خير و فيك شر(ن) شرير= لكن ابا انشّـق البارود خشم الضبي
ان رحت مع حرب و ان كان مارحت امير= لاكن لاتعترض في دربنا ياصبي

فواز

هذا السنة راعي البارود عده يطير= يبأ يطير من المشرق ليا المغربي
عمارتك مالقينا معك فيها خشير= و لاحصلوا عباة امفصلين العبي

راشد

ماني معدلك ياعوجة رقبة البعير= انته على مذهبك و انا على مذهبي
امارتي مبطية مير انت توك صغير= و المشلح اللي عليه ملك جدي و ابي

فواز

انته تطاول و انا اطول منك يا اطول قصير= يمكن تشوف القمر واقف على منكبي