هنيت نفسي يا وطن قبل أهنيك

هنيت نفسي يا وطن قبل أهنيــــــــك

الله يديم أفراحنا يا وطنــــــــــــــــــا

وأنته تهني كل حي (ن) سكن فيــــك
نسمع جرس فرحتك من يوم رنـــــا

عودة حبيب الشعب فيها تبارـــيــــك
إفرح تدلل وإطلب اللي تمنـــــــــــــا

لوكان مابك روح نقبل تهانيـــــــــك

عن كل شبراً فيك منا ومنـــــــــــــا

غربك جنوبيك شمالك وشرقيـــــــك

سهالها وجبالها به تغنـــــــــــــــــا

ما حد يلومك يا طن عاد غاليـــــك
عساك دايم في وجوده تهنــــــــــا

وحنا فرحنا يا وطنا يغطيــــــــــــك
مشاعر الأفراح ما يوصفنـــــــــــا

الله يحفظك يا ملكنا ويحميـــــــــــك
لاعاد لك شراً يغيبك عنــــــــــــــــا

في غيبتك ضاقت علينا المساليــــك
الله لو تدري عسى ما أنت حنـــــــا

شعبك يعزك يا بو متعب ويغليـــــك
مشاعره تشهد على ما يكنــــــــــــا

قول وفعل وقت المهمات تشفيــــك
رجال تاقف للزوم وتعنــــــــــــــــا

يردون حوض الموت ورد المهاليك
قلوبهم على العدو ماتحنـــــــــــــــا

مقدمين أرواحهم بين أياديــــــــك
أضرب بها عدوانك اللي تجنــــــا

اللي يعادينا هواللي يعاديـــــــــــك
وش عاد ما عشنا بفضله يمنــــا

حنا بأمان وخير مافيه تشكيــــــك
الله ي منك بوطنك ويأمنـــــــــــــا

تشكر على جهدك عسى الله يعافيك
حفظت مركبة أمننا ماتدنـــــــــــــا

يا بن الوطن نشكرك على مساعيك
أطفيت نيران الفتن ما غزنـــــــــــا

شكرًافكر وعيك نحييــــــــــــــــــــك
خليت عدوان الوطن تستجنــــــــــا

اللي يبون لوحدة الصف تفكيـــــــك
كشفت نواياهم والا وفقنـــــــــــــــا

صدمهم العقل المفكر بتكتيـــــــــك
مع التلاحم والتعاون بفنــــــــــــــا

يابن الوطن ما أنته بحاجة نوصيك
إحذر عدو(ن) وسط دارك تبنــــــا

يشاركك بأكلك ويمشي مماشيــــــك
وإلياء حصله فرصة ماتونــــــــــا



....شموخ الأصيلة....