ترى الهوى خداع وابليس فتني

أتصل بي صديق عزيز واعطاني ثلاث ابيات ارسلها احد معارفه ونخاه بأمر ما
ولما اطلعني على الموضوع والابيات قلت له الموضوع عليك والرد علي....


الابيات المرسلة لصاحبي




الدمعة اللي لدها الصبر عامين
حول بها طول الشقا وأحرجتني


والضيقة اللي جابها ليل الاثنين
سريتها ليل(ن) طويل وسرتني


عليك كل اللوم يا محجر العين
تبكي لعين(ن) دبرت ما بكتني




ردي ومجاراتي للابيات السابقة



وين أنت رايح يا المسافر على وين
جروح المشاعر من عناكم نصتني


الحب باقي له رموز وبراهين
بالدمعة اللي محرجتكم وجتني


ضيقه ودمعه صاحبني من سنين
دمعة تعبر لي وضيقه هوتني


همس المشاعر فيه ثارت براكين
من وحشة الماضي عليه جبرتني


ويا مرسل رسالة بليا عناوين
ترى الهوى خداع وابليس فتني


أبشر بفزعتنا على العرف والدين
حملك اشيله فوق رأسي ومتني


ابذل لك المجهود بكل المضامين
فى ساعة(ن) منك المشاعر نختني