تبطــــــــــــيـــــــــــن.....@

وش عاد لو جيتي بدمعن ذرفتيه=تبطين والله في حياتك أباعود
العام وينك يوم كلي ملكتيه=وأحيا على ذكراك لاهبت النود
ورحتي معك قلبي ولا قلت هاتيه=وطالت بي الايام والصد في زود
قلب تولع في غرامك هجرتيه=ماشاف منكم غير نكران وجحود
وحب بنيته بالتخلي هدمتيه=أطلال قصر اصبح اليوم مهدود
حبل المودة دون ذنب قطعتيه=ودرب المواصل من سبايبك مسدود
أمسيت في قلبك حبيب هويتيه=واصبحت من غدرك جريح وملهود
ياماوياما مابغيتي خذيتيه=أرجي حنانك والنتايج...ولا..عود
مادام عهدك بالوفا ماحفظتيه=عنك المحبه بابها اليوم موصود
الزرع زرعك وفي يدينك بذرتيه=ولو تزرعين الشوك ماينبت ورود
واليوم صدي عن غرامك حصدتيه=هذا الزمن رجع لك الصاع مردود
لكن لي مبدأ ولا عنه اباتيه=من صد جازيته مدى الدهر بصدود
من هو نوى في غدر الاحباب تاتيه=لا بد تاتيه العواقب بلا...هود