لاسراء برق الحيا

	المشاركة الأصلية كتبت بواسطة فواز العمري

	لاسراء برق الحيا قلت يالله ياكريم=يم دار اهل المواجيب ياربي سقه ياكريمآ في عطاياك وبخلقك رحيم=كافلآ عبدك ومن فيض مدك ترزقه جعل دارآ واقعه غرب منطقة القصيم= للمزون وبارقآ هل وبله مصدقه ساريآ ليله ووقعه على القيعان ديم= لين يرواء يابس القشع ويزين ورقه ديرتآ بسم الذويبي حشيمه من حشيم= بسمهم بين المناطق تقدر منطقه بالشبيكيه للامجاد تاريخآ عضيم= في سجلات البطولات دوم موثقه للحيا يادار هندي عما عين الخصيم=سيرته من فعل يمناه شمس مشرقه فارسآ من حرب ولحرب تاريخآعضيم= وللقبايل حق بالطيب محدآ يلحقه نفتخربه دام بالكون مخلوق مقيم= الله اللي خلقه من عباده وفرقه لاتقابل بالملاقا خصيم"مع خصيم= واختلط بعض الرياجيل دمه بعرقه ولاسمك عج الرمك بالنشاما تقل غيم= وهادم اللذات مابين خذ والاذقه كم شجيع" طاح من كف اخو نوره سقيم=لااعتزا راع اللويصق بنوره وصفقه وكم صغير" عاش من فعل ابو متعب يتيم=مات ابوه وقلب مغليه عقبه محرقه جعل هندي ساعة البعث في دار النعيم= ومن عذاب القبر والنار يارب اعتقه في ضلالك ضلله ياعليم ويا حليم = وعند مايسأل على الحق بالقول انطقه هاضني للقاف هايس وغنيت الوسيم=يوم سولف بالتواريخ وعلومه ثقه

صح لسسسسسسسسسانك يابو بدر وبيض الله وجههك علي هالقصيدهـ المدويه والجزلـة ولا هي غريبه عليك فأنت من بيت شعري لا يخفي علي احد


لاتقابل بالملاقا خصيم"مع خصيم= واختلط بعض الرياجيل دمه بعرقه
ولاسمك عج الرمك بالنشاما تقل غيم= وهادم اللذات مابين خذ والاذقه

الله اكبر يا فواز

وكم صغير" عاش من فعل ابو متعب يتيم=مات ابوه وقلب مغليه عقبه محرقه
جعل هندي ساعة البعث في دار النعيم= ومن عذاب القبر والنار يارب اعتقه

انشهد انشهد فعوله معروفه عند القاصي والداني


في ضلالك ضلله ياعليم ويا حليم = وعند مايسأل على الحق بالقول انطقه

امين امين يا رب العالمين


هاضني للقاف هايس وغنيت الوسيم=يوم سولف بالتواريخ وعلومه ثقه

سلملي علي هايس ويا جعله هيضك كل يوم