اخي الشاعر ماشعورك حيال هذا.. نبقى بدو لو مستوانا حضاري ..

السلام عليكم ورحمة الله وبركاته ..

لقافه او مايوازيها قمت بنسخ بيت شعري لأحد قصائدي
المنشوره بالملتقى وغيره من مواقع حرب فتفاجئت
بنشر القصيده كامله بدون تذييلها بإسم صاحبها وبكثير من
المواقع ومن ضمن المصادفات انني وجدت شطر منها ملصوق
على صوره يعبر الشطر عنها وللعلم الشطر منتشر بكثره
بمواقع الانترنت ومنهم من وضعه معرف له ومنهم من
وضعه توقيع او عنوان والشطر هو :

نبقى بدو لو مستوانا حضاري

والصوره





وهذا رابط القصيده بالملتقى

http://www.m-harb.net/vb/showthread.php?t=46915

وهذي القصيده :



القلب عيبه طيبته يوم اداري
وان مااعجبتهم طيبته وشيقولون
.. .. ..
ما للملامه عند مثلي طواري
ولاني براضي بالقضيه وممنون
.. .. ..
لاشك ابحفظ بالمجالس وقاري
يوم ان خلق الله ذهانا ويوحون
.. .. ..
ولناقلين الهرج قلنا حذاري
دام الخطر بدري ولاناشه الدون
.. .. ..
مير اختلف رغم الحذر كل طاري
والهرج يجرح كان ماهو بمازون
.. .. ..
يردني سلم العرب دون ثاري
لو اجهل اللي بالظماير يكنون
.. .. ..
حنا عرب لاهل الردى مانجاري
ولانجازي بالردى لو يجازون
.. .. ..
ميقافنا دون الصديق انتحاري
والشيمه الشيمه لنا ساس واركون
.. .. ..
وعن عرض خلق الله نسن الشباري
لو مالنا معهم نسب قرب مقرون
.. .. ..
نبقى بدو لو مستوانا حضاري
ندرى العواقب مير مانقبل الهون
.. .. ..
مانستمع بسلومنا لاستشاري
مادام وقفتنا بها العز مضمون
.. .. ..
نخشى ملامة كل ناقم وزاري
واهل الخزى لو جابو العلم يخسون
.. .. ..
الحر مايذعَرْه جول الحباري
والذيب يبقى ذيب لو له يصيدون
.. .. ..
واللي يقول السالفه مايداري
تاه الهدف وامسى على الرف مركون
.. .. ..
وان زان ليله واسعدته المساري
لابد ماياطى على الشوك مغبون
.. .. .. ..
واقرب مثل عنها كلام الحداري
( من قال فيه الناس لازم يقولون )





اخي الشاعر ما العمل برأيك ؟؟

"
"
"