ديوان الشاعر وليف الشوق(ابومنى)

وليف الشوق=
ارسل سلامي لكم تذكار=لاعل سلامي يفكركم
باللي لكم عندهم مقدار=وقلوب دايم تناظركم
عبدالعزيز الزويهري=
ترحيب فيه الوفا مسعار = مخصوص منا لحضرتكم
و لا تشيل و تحط في الافكار = البال دايم في سيرتكم
بيان الصمت=
ترحيب يا صاحب الإخطار=وحسباتي ما اظن تسعفكم
بمعادلة ما عليها غبار=والقلب يرفض يحاسبكم
وليف الشوق=
والله لكم عالي المقدار=وفي داخل القلب معزتكم
لاعاد تسأل ولامسيار=ماهي بعاده بقطعتكم
قابل البشري=
ترحيب زايد عن المليار=ياللي من الطيب مصدركم
فالبال يالصاحب البيطار=وفي كل الاوقات نذكركم