رقمك بالشريحه

ياحبيبي والله اني مانسيتك = لو يطول الوقت رقمك بالشريحه
لاتبطاني وتقفل باب بيتك = بس انا مشغول والفرصه شحيحه
اشغلتني عالمن تشره وجيتك = تستبيح اشياء وماهي مستبيحه
ثورت الاجحاف فيها ماهقيتك = تدعم الارهاب وتكب النصيحه
لاتصدق من حكى اني مابغيتك = اكثر العذال من حبك جريحه
تغزي الحساد وتباغت مبيتك = خيل ابو عرام ماهي مستريحه
ايه انا مجنون في حبي غذيتك= حبي الصادق على وجه الصفيحه
والغلا موجود والبسمه فديتك = كل نظرات الغلا يمك صحيحه
من غلاك اقول ياخلي هويتك = مايروح الحب لحظه يامليحه
ارتبطنا في مواثيق وعطيتك = عهد صادق بالمواثيق المحيحه
انت ساكن في ضلوعي وحتويتك = لك مكانه عند شريان القريحه
تنتعش روحي وقلبي لالقيتك = واتغزل بالمعاكيش الفسيحه