سود الليالي

أضع لكم قصيدتي الأولى هنا وأتمنى ان تنال شيء من اعجابكم واستحسانكم ,

ياللي غرامك بقلبـي بيّـن الخافـي=تـرى تغليـك زوّد طيـنّـا بـلـه
العام تبغى الوفـا واليـوم ياكافـي=تطعن بخنجر جفاك وسيفـك تسلـه
الصبر لاطال يابن النـاس ينعافـي=انته تسلا وانـا كنـي علـى ملـه
لوكان حسنك تعدى كل الاوصافـي=قربك لعينـي خيـال مابـرد غلـه
سحاب صيف ٍ بروقه ترهف ارهافي=يبرق ويرعد وحبل الريـق مابلـه
ادري تبيني اسايـر قلبـك الجافـي=وارضي غرورك تعقد الوصل واحله
وانا ابدوي ٍ حموله فـوق الاكتافـي=يزيـن والا يشيـن الوقـت ماذلـه
لو رحت عني ودمع العين ذرافـي=أحط همك علـى المتنيـن واشتلـه
سود الليالي طوال وسترها ضافـي=تجبر قلوب العبـاد وتستـر الخلـه
روّح مدامـن دم قلوبـنـا دافــي=وانسى بقايا غرامـك دقـه وجلـه
واشتال حبك كما يشتال الاسعافـي=شريف قـوم ٍ بـدار ٍ مالهـا ملـه
يوم اصبحوا لين نور ديارهم طافي=والقوم مستوطنـه والـدار محتلـه.

وسلامتكم ,,