ديوان الكحيله للشاعرة كحيلة حرب

من يرحم القلب اليتيم الغريري=اللي غرق بالهم والعمر توه
شال الهموم وتو عمره صغيري= حظ القشر كدر مزاجه وجوه
قامت عليه أيدين بقعى تشيري= فاقد حنان ألآم قبل ألآبوه
وتوه بعمر أيام ماهو كبيري= عن حضن دافي أبعد الموت نوه
عز الله ان الموت سيفه شطيري= ماهاب للفزعات هي والحموه
خلاه يسكب من دموعه غزيري= يصيح ليله من شقاه أيتأؤه
يامر صوته يوم يبكي مريري= يكسر ضلوع اللي سمع له بقوه
يارب يا مبصر بفكر الضريري= انك تزيده بالمكارم أعلوه
يارب لامني ولاهو خشيري= لكن شعوري عن ضروفه ينوه
يارب يا مبدل عسير بيسيري= يارب يا منشي سحابٍ بنوه
ماغيرك اللي ياإلاهي يجيري= أوقف معه يارب بالعون قوه
انت اللذي تجبر عضام الكسيري = أمنت بك يا عالمٍ ماتفوه

http://www.m-harb.net/vb/showthread.php?t=99669