صمت بدوي !!

السلام عليكم ورحمة الله وبركاتة

مساء لايليق إلا بحزامي بالنهار العسيـــر حرابة الدول

يهم أخوكم أرائكم بهذه الأبيات وبعيداً عن المجاملات


يا بنت : مـالك بالعنـا والتفاكيـــر !!
صمت بدوي .. هايب من ردود بوحه
....
صمته غموض .. وصمت غيره تعابير
ويطرد ورى برقٍٍ شعا القلب ضوحه
....
ورغم الظروف .. ورغم كل المخاسير
تبقى قناعاته !! .. ويبقى طموحه
....
شامخ ..ولو ماله جناحين ويطير!!
غامض :ولو قمة غموضه .. وضوحه
....
فقيــر/ ويزاعم كبـار الهواميــر
في عزمه ..وصبره.. وعزه بروحه
....
صادق .. وأحد من السيوفـــ البواتيـر
بالموقف اللي ملتزم في نطــوحــه
....
في عيــن خصمه.. كنه طويـق والنير
وفي عين خله .. هو مداوي جروحه
....
يموت ضامي لو على شفة البيــر !!
ولا يرتوي من كف يمناً شحوحه
....
أكبر معاند ؟؟.. لابغا الحاجه تصير!!
ويبيع عمره ؟؟..كانها بالسموحه..
....
إيتوّه أحبابه ... بكثــر التفاسير!!
ويزيّف أوجاعه على كل لوحه !!
....
ويا بنت : مـالك بالعنـا والتفاكيـــر !!
صمت بدوي .. هايب من ردود بوحه



أخوكم : محمد الحربي