محاورة معمر القذافي :وعلي صالح

محاورة معمر القذافي: وعلي صالح

مساء الخير

يقول

علي صــالح

سلام تسليمة (ن) ترفع قدر هافي=يقولها اللي يعرف الداب والحيه
يامعمر صاير تدافع وانت قذافي=والزنقا زنقا غدت نكته صباحيه



معمر القــذافي

يامرحبا ياهلا يالشاعر الوافي=ترحيب ماهو بقات (ن) لليمانيه
يابو صويلح عسى باقي لك لحافي=ماشتشتهي حاقتن بالصدر مخفيه



علــي صالح



يدوم لك البقاء والخبل متعافي=وكتاب(ن) اخضر به النطلات عكسيه
ياصاحبي خايف (ن) معاد تنشافي=شعب (ن) معارض وهجمات(ن) سماويه


معمر القذافــي


كني اشوفك تلفلف فالبلد حافي=اقراء كتابي وبه وصفات رجليه
ماني مجنب عن الديره وخوافي=ولاعندي شرطه تخلط الملح والمي يه


علي صالح


أنا اشهد إنك شجيع ولا بك اخلافي=وشعبك غني ماخدم بارض السعوديه
واليوم مالك وليف ولا لك احلافي=واكبر قهر يامعمر مالكم ديه



معمر القذافي


إي والله إني اصوت ياعرب كافي=لاكن ماحدن سمعني وخلص النيه
واللي سمع هرج من كاهن وعرافي=يقتل ولاحدن يطالب به موليه


على صالح


ياصاحبي جونا طيب وميلافي=شفني اهيجن واغني كل عصريه
ماضاق بالي ولا خليت مجدافي=الحكم للي خلق سبع(ن) ماهو ليه


معمر القــذافي


أنا اشهد إنك تقول الصدق يالغافي=والمال من غير والي للحراميه
اضحك وسولف واجيك السم بغلافي=واظن حكم العرب ماهو بعاريه




احمد السليمــان



خلوها من قبل لاتخرب وتنعافي=الوقت جاير وكل الناس مبليه
والمهدي قرب خروجه حسب الاوصافي=كلن يصلي ترى الايام منسيه