قصيدة الشاعر حماد بن مريزيق في مورخنا الكبير الاستاذ فائز البدراني

	قصيدة للشاعر الكبير/ حماد بن مريزيق البشري الحربي في مورخنا الكبير الاستاذ فائز بن موسى البدراني القصيده اعجبتني من بين قصائد كثيره قيلت فيه والحقيقه انه يستحق اكثر من هذا : من هاجس هيف الذعاذيع ساقه =فز الخفوق وصار لي بالمثل شوق سلام من ميزان عقل وصداقه = سلامِ أحلى من العسل طيب الذوق أرفق معه من زهرة الورد باقه =أشرف تحياتي لفايز بطاروق راع التواضع والوفاء واللباقه= ــــ عساه من صدفات الايام معتوق أقولها من جد ما هي زراقه = قدرٍ لبو تركي تسامى بمنطوق اللي ليا جا بالرياح اصطفاقه = وقامت تلوف شعوفها كل زملوق عنها بمثله للرفيق ادراقه = منصا السعد لمجوهر العرف صندوق برج العلا ساق النضا لين واقه = بالعزم والهمة رقا واعتلا فوق اللي مع حموله يشيل الوساقة = إلا ومع ذلك عن العُوج ما ثوق عسى فداه من الملا كل عاقه = اللي فوارق وزدته بطن وشدوق هذاك عن لاماه ساعة فراقه = مكسب لو اقضيها على راس شاهوق رجمٍ خلا للشوف فيه انطلاقه = يعوضني باللاش ومحالف البوق أنا مسرة خاطري واشيتاقه = رفقة هل الطولات دامٍ لها سوق بيض السلوم اجناب وإلا رفاقه = عندي برفقتهم ترى السوم مفروق وأزكى سلامي والتحية غلاقه =معها شذا الريحان والعُود مرفوق