كيف الجدود وللنشاما نمده

وصلتنى رسالتان من أحد الاصدقاء وردينا على رسالتيه بغض النظر ان كانت من قوله او منقوله...

الرسالة الاولى

المعذره وأقبل جميع المعاذير
قل أتصال وطول غيبه وصده

لاشك مثلك ما أساويه بالغير
لك بالحشا قدر ومكان وموده

بس الظروف القاسية والمقادير
تمشى بصاحبها على غير وده

ردي على الابيات السابقة

سلام في ريح الدلال المباهير
كيف الجدود وللنشاما نمده

دربك خضر ياعل دربك مسافير
معذور يا غالي ظروفه تحده

معذور يا رأس الرجال المناعير
يا اللي على زين الصداقة نعده

الرسالة الثانية

لو الرسايل بين الاخوان مقياس
أرسلت لك في كل لحظه رسالة

ولو الرسائل تشرح اللي بالاحساس
صورت لك شوقى وكيف أشتعاله

لكن غلاكم أكثر من حروف وأقواس
صعب أشرحه صعب أوصفه في مقاله


ردي على الرسالة الثانية

أهلاً هلابك عد ماهب نسناس
عد المزون اللي تراكم خياله

جتنى رسالتكم على العين والرأس
أعرف غلاكم ما يبيله دلاله

أنت الذى يرخص لكم غالي الماس
أنت الغلا منك الغلا وأتصاله

أنت الصديق اللي نفاخر به الناس
أنت الصديق ولا بغينا بداله