الهجر طور نحانا

ياليل ياليل ياليل الســعد رودنـــــا = لعلنــا فيك نـــدله مرتن ثا نيـــــــه
الهجرطورنحاناوأحضب سدودنـــا = والناس ماتترك المخلوق في شانيه
الهرج شوك الكبود وزودإلهودنـــا = سيات من ناله المعروف وإحسانيـه
نصد نغضي نجامل لاجل مقصودنا = لمة إصفوفن على العليأ لهم شانيـه
إلا أنها تلحق اللاحي فــمردودنــــا = راع الخطاياء نطقه بين حجـــانيــه
وإلياأنتبه عاهد الخلاق مايعود نـا =عقب التغطرس يعيش بوضع عقلانيه
على النقاء نهج كاهلنا ومالودنــا = طبع الفتى اللي عليه إطبوع جــدانيه
حروب ذاسلمنا من سالف إعودنا = وأفـعولنا معجــزة مــافيه نــكرانيـــه
قصة دخيل البلالي مفخرة زودنا = على الوفاء والنقا للنويشــي الثانيـــه
والبشري الثالثة بالجاروشهودنا = إخيارقومن من إربوعي ومطرانـــيـــه
نوفي ونستافي المده بمجهودنا = نمـــوح بدلينــــا وتجيــــك مليانيـــــــه
للوصل سلك الحريرالناعم إيقودنا= ويحثنا ديننا وإسلومنـا البــــــــا نيــه
نشتال حمل القساءمافترإعضودنا = ونكرم الضيف والجيران والعا نيـــــه
حمل البليهي إليــاثناه مايكودنـــا = أشتــــال حمــله بــعون الله وحدانيــه
فضلن من الله ثناه إلوجه معبودنا = يوم العزايم مواهب بين الأنســا نيــه
أخذت قسمي مع الاخيار بحدودنا = ومن ادرك الســتر في دنياه ربحانيــه
لاكن صلواعلى المختاروإسعودنا = في طاعة الخالق الرزاق سبحانيــــــه

الشاعر/ سعود شديد النجدي الوسيدي