أقـــول لا تــعـــلــيـــق

أقـول لا تــعـــلــيـق في مـا تــقــولـه

أقـول لا تــعـــلــيـق في مـا تــقــولـه = يا كـثر ما في داخـل الـصـدر مـكـتـوم
أنت تحسـب وقـتي على اول مـيولـه = مـبطي وآنا من ميلت الوقـت مهـموم
بـس الـصــبـر مـحــلاه للـي يــنـولـه = وإلا الـزمـان اللي عـلـيهـم قـسـا كوم
اللـه كم طـــيّــب ثــقـال(ن)حـمـولـه = اللـي تـقــيــدهــم تـقـالـيـد وسـلــوم
قـومـن لهـم بالـوقـت صـوله وجولـه = الـيـوم يعـني ذكـرهـم شــبـه معـدوم
صاروا تحت ضرس الزمان بسهوله = تـفـطـر عـليهم سـود الأيام وتـصـوم
أهـل الـوفا وآهـل الـقـيـم والـرجولـه = يـطـيح واحدهـم مـن الـغـبـن ويـقـوم
لـو اشــتـكـت يــمـناه قـل ألـســيـولـه = اشتد معصمها على صـبر واعــزوم
ويـا عـزتي لهـل الـوجـيه الخجـولـه = تكتم خـفايا صدورها عـن هـل اللـوم
في ذا الـزمـان اللي تـفـتـق اخـلـولـه = اللي كسبها الفـوضـوي ما بها علوم
خـطـو الـبخـيـل اللي يـديـه مغـلـولـه = لا مـره الـواجـب ما هـو فـيه مـلـزوم
والـيـا ســمع بـمـناســبـة فـز طـولـه = ثم جاك لـو ما هو مع الـناس معـزوم
عادة وجهـيـن من حـياها مغـسـولـه = تحـرج جـنـاب مـكـرّمة كـل شـغــموم

بقلم : محمد بن عبد الكريم الغرابي