يامير قلبي والصدر والمعاليق

لجلك ترى بكتب على الحرف يامير = ياللي لك اشواقي تعدى المجرات
يامير نأسف كان فالحرف تقصير = منك السموحه والعذر منك بالذات
أعلم تراى يامير فالقلب تقدير = صافي لكم بالحب مخلص بنيات
انت الذي لك فالصدر منزله غير = تشهد لي حروفي قصايد وكسرات
أكتب حروفي من فؤادي بتعبير = أحساس صادق من ولع شوق واهات
والياء كتبت الحرف جرعات تخدير = نرتاح بعض الشي وتزيد لوعات
لاشافتك عيني مع الاغير بتثير =كل الجوارح واسهر اليل مابات
كنك في صدري زارع الغام تفجير = باسبابه سالت من الموق عبرات
ايو الله ابكي واخفي الدمع وادير = وجهي لاخوف يصادف الدمع شمات
يفرح بها الواشي وفالحال بيطير = في كل مجلس ينشر العلم فالشات
وتشره علي الرجال قوم المناعير = اللي معاهم فالوفا دوم جولات
الياء سألوني قلت مافيه تبرير= ولا اقدر اوضح خوف كشف ألسجلات
يامير لا تحكم على القلب تعزير = ولا تكلفه يامير باقسى الأمهمات
ارجاك راجع للقضيه بتدبير = وأرحم متيم حي محسوب فموات
اضحى قتيل الأمر صادر بتهجير = يم الديار اللي بها الموت سكرات
فيه الوله و الشوق مثل المناشير =ولاحيلته ماغير يصرخ وبسكات
يامير قلبك رايح(ن) في خبر خير= من سبت الهجران بيّن لي اشتات
ارحم فوادك حيل مشغلني أكثير = من كثر ما تشكيه واضح فالأبيات