قصيدة اخرى للشاعر : فهد بن مطر المخلفي

ايضا نشرت في جريده الجزيره والمنتديات

[العد الزلالي]

طرالي في ضميري ما طرالـي=عقب ماشفت ويش اللي جرالـي
جرالي يا عرب حاجـه غريبـه=ولكن ليتهـا مـا جـت فبالـي
اشوف الطيب عوّد لـه زريّـّه=من اللـي همهـم قيـلٍ وقالـي
اقـدم خيـر تنطحنـي رديــه=ولادري وش جزا المعروف تالي
كذا في بعض خلـق الله طبيعـه=ولا ميّـز حـرام ولا حـلالـي
ضعيف النفس منبـوذ السجايـا=ولا له فالمراجـل راس مالـي
ولو هي في يدي غيّـر مسـاره=ولكـن روحــت ياهمـلالـي
فشيلـه ياعـرب والله فشيـلـه=تحبون الردى والطيـب غالـي
ولا ودي نعّـم الـكـل فيـهـا=ولكن بـه طحاطيـح الرجالـي
رياجيـل الشهامـه والكـرامـه=رياجيـلٍ كمـا صـم الجبالـي
ليا منك لقيـت الشخـص منهـم=كما اللـي وارد العـد الزلالـي
عـزومٍ فالمـواقـف مايهـمـه=معرب من عمام ومـن خوالـي
وصلاتي عـد هّمـال المخيلـه=على المعصوم ماذعذع شمالـي

وسلامتـــــــــــــكمـ