مجـــرم وعمــي سجنـــي

الســلام عليــكم جديــدي أتمنى أن يرتقي إلى ذائقتكم

الشعر ياهل الشعر حبك ٍ وفني =ماهو بطارف للخبل لو تمناه
لاضاق صدري قمت أهيجن وغني=وأبكي على شخص ٍ تعذب بدنياه
ليه االيالي للولد ماتحني=أنا أشهد أنه كامل ٍ في مزاياه
أبوه ميت والخلايق تبني=هرج النمامه والضعيف تبناه
الله وأكبر يازمان التمني=عز الدراهم واليتيم توطاه
اسلومنا ضاعت ولاخاب ظني=يوم البنيه طالبت بالمساواه
من بعدها قلي عساك امتهني=البير مطوي والدلو ضايع ارشاه
العلم بين والعلوم أغبنني=اللاش بفلوسه بنا العز والجاه
ياليتني مجرم وعمي سجني=ولاشفت طيب عايش ٍ في معاناه
هذي حقيقه دامها جات مني=ماقوى وداع الطيب ياناس ماقواه
الشعر ياهل الشعر حبك ٍ وفني=طارف للخبل ٍ بدراهم تمناه