هذه المحاورة جرت بين الشاعرين صياف الحربي الله يرحمه ويسامحه

هذه المحاورة جرت بين الشاعرين صياف الحربي الله يرحمه ويسامحه
والشاعر تركي الميزاني المطيري ((2000))
تــــركــــي ا لــمــيــزانــي
سلام الله عليكم بالنيابه عـن رجـال مطيـر=سـلام لويخـص يعـم والعملـه سعـوديـه
الا ياحرب لي وجهة نظر تبغـى لهـا تفكيـ=رعسى ذاك اللـزوم يتـم والعملـه سعوديـة
صــــيــــاف الــحـــربـــي
هلا يامرحبا بالخير واللافـي يـروح بخيـر=عسى تركي يجيلـه عـم والعملـه سعوديـة
عيونك صاحيه وتشوف حتى اللي بقاع البير=لكن البكـم راحـت صـم والعملـه سعوديـة
تــــركــــي الــمــيــزانــي
يدوم لك البقا يالشاعر اللي عن شبابه غيـر=وانا همك ليا جـا الهـم والعملـه سعوديـه
عيوني شوفها يم الجبال اللي سـوات النيـر=وأنا ما أذبحك لوفـي دم والعملـه سعوديـة
صــــيــــاف الــحـــربـــي
انا قبل امس مروني ثلاثه فوق ظهـر بعيـر=والاوسط ثوبه مالـه كـم والعملـه سعوديـه
اليا جابو مجال السالفه محمي عن التقصيـر=ولـن دورت قلنـا سـم والعملـه سعوديـة
تــــركــــي الــمــيــزانــي
مروك ياصيـاف وش سويـت مـن تدبيـر=عساهم ماسقـوك السـم والعملـه سعوديـه
انا ماظنتي من عقـب ذاك الزيريطلـع زيـر=خسـارة اللأبـو والـلأم والعملـه سعوديـة
صــــيــــاف الــحـــربـــي
مشوا قبل الصباح ونزلوا وسط القصيم عصير=وجبنا الجمر وقالـوا تـم والعملـه سعوديـه
سواليف البدو بين الجماعـه كلهـا تزويـر=هـذا يمـدح وذاك يـذم والعملـه سعوديـة
تــــركــــي الــمــيــزانــي
تقوله وانت ياصياف ماتسلـم مـن التكبيـر=تذرى بيـن خـال وعـم والعملـه سعوديـه
الا ياحرب شيلوا فرتكـم للمجمعـه وسديـر=مخبـط مايسـام بكـم والعملـه سعـوديـة
صــــيــــاف الــحـــربـــي
ترى كلمتك هـذي مخطيـة يبغالهـا تفكير=نثـرت الحـب لمـه لـم والعملـه سعوديـة
انا خابرك شاطـر ماتـدور لحمـة الخنزيـر=وذا الحينـه تظمـه ظـم والعملـه سعوديـه