صياف **** وفازع العوني

صورة الشاعر /فازع الصيده



اقدم لكم هذه المحاوره والصوره الحصريه للشاعر فازع حمدي العوني(الصيده) رحمه الله التي لم تنشر ولم تسجل الا لهذا المنتدى
وهي للشاعر الذي ربما يعرفه الكثير منكم وكان له شهره واسعه بالحجاز
شاعر معنى وفتل ونقض شاعر شكل ثنائي مع الشاعر الكبير/ ميشع بن قطنان الجداعي العتيبي
لعب مع عمالقة الشعر واثبت قدرته الشعريه
وهذه واحده من محاوراته مع الشاعر الكبير /صياف الحربي رحمه الله
صياف




البروق تلوح يافازع ولدري وش وراها.......والبحر مالح وبعض الناس عيوا يشربونه
الحرار السود يبسن ما يبل الحلق ماهـا.......مير روحوا للـطعام اللـي منـول تاكـلونـه



فازع



لاتخيل بروق يامخلوق في عالي سماها.......والبحر له تحليه والراس عزه من متونه
الحرار السود تقعد من خلاها في خلاها.......مانبا بعض الطعام اللي وراه يحول دونه



صياف



عمك اللي عام الأول كل ماتهـدم بناهـا......التفت يمك بعينه واختــلـف شكلـه ولــونه
طاسة الراعي تغطى والهواء طير غطاها.....والعرب زعلوا على الراعي وقاموايشمتونه




فازع



عمي اللي عام الأول طرقته قام وحماها......مير ميت عام الأول قدم وقتـه تبعثونـه
طاسة الراعي ليا ذلوان تذلم من ملاهـا......تشتهون الدرب الأعوج والسنع ماتشتهونه



صياف



فالزمان الشين اشوف الناس لدت فعملاها......ذاك يرمونه وراء الغبه وهذا يظهرونـه
بطنك احمر يوم جم البير يطلع من شفاها......كيف عقب اقفت وحتى بالرشا ماتلحقونه




فازع



فالزمان الشين عينـك ماتلفـت فاقرباهـا.......مار ذا هالوقت حبل الوصل قمتوا تقطعونـه
وانت الك عشرين نيه والجبال ارسا حصاها......والربيـع ان قـدر الله قسمنـا ماتاخذونـه



اتمنى ان اكون وفقت في الطرح