قتل ولد عمه ولا يلحقة عيب

هذه القصيدة مهداه الى قبيلتي الحصنان من قبيلة حرب ..حرابة الدول حبيت ان ادونها في
ملتقى القبيلة الشامخ ......وذكرة ابن سرداح بالقصيدة وهو (فهد بن دخيل الله ابن سدراح الحصني)وموقفة النبيل دون الخوي والقصة معروفه ......اتمنى ان تنال على استحسانكم

ياكاتب اكتـب و انتبـه للكتابـه=خلك لبيب الفكـر و أكتـب بترتيـب
أكتب عن الحصنـان يـاوي لابـه=ربعي هل الطـالات كسابـة الطيـب
المـوت نـارد غبتـه مـا نهـابـه=نارد أحياض الموت ما عنه تجنيـب
كم شيخ ٍ قـوم(ن) جودلـه صوابـه= واصبح عشاء للطير مع لبوة الذيـب
حنـا لقانـا كـل قـوم(ن) تهـابـه=قد قالها أبن حميد شيـخ الآجانيـب
بقيـادة اللـى حـي و الله جنـابـه=منور عريب الساس معطى المكاسيب
ودون الخـوي أفعالنـا مـا تشابـه=الا نويشى كاسـب المـدح لا ريـب
فعل(ن) لبـن سـرداح كلـن درابـه=دون الخوي سوي عجيب التعاجيـب
لجل المطيري يـوم وخـذت ركابـه=قتل ولـد عمـه ولا يلحقـه عيـب
ر جّـع لـه أركابـه وزود زهـابـه=وقال أتجه بمان مـن يعلـم الغيـب
ومشـى معـه حتـى تعـد اللهابـه=حتى أستقر بـدار شيـخه اتريحيب
فعل(ن) حقيقـي كـل حـيّن حكابـه=يروونه الأجناب و أيضا الأصاحيـب
و اليوم في حكم(ن) هـلا مرحبابـه=حكم السعـود مكمليـن المواجيـب
أنهو زمان الغـي و أيضـا الحرابـه=وصار الجميع أخوان من دون تعصيب
وساد الامن والخيـر فتحـت أبوابـه=و الشر ولى وآنتهـى كـل تعذيـب
و الفضل للمعبود منشـى السحابـه=رب(ن) عليه من اتكل حق ما يخيـب
وصلوا على اللى خير مـن يقتدابـه=نبينـا اللـى مـا نطـق بالاكاذيـب