والحوثي اللي وطينا بالوغى راسه

ايران واذنابها لا ماتخوفنا = حنا سباع الوغى في كل ميداني
الرب واحد وسيف المجد ونصابه = بيدين خادم بيوت الله بليهاني
بقيادة الفارس المغوار ابو متعب = نقلب فرحهم لقرن كله احزاني
ناطا على راس حوثيها وداعمها = بقو الظفر بالفعول اللي ببرهاني
ناطا على روسهم ونذل كابرهم = حتى مايبقى لهم دار ومسكاني
نشتت جموعهم ونرمل انساهم = ويبقون عبره لكل فلان وفلاني
حنا وحنا وحنا للوطن فدوة = لاجل الوطن نبذل القاصي مع الداني
حنا هل المجد والافعال والهيبه = بتاريخ حافل بمجد ماله اقراني
والحوثي اللي وطينا بالوغى راسه = عقب العيا صار ماكنه ولاكاني
الذل اصبح هجار وقيد لعزومه = من هول ماجاه من ذربين الايماني
جنود الوطن سيفنا اللي نوخ الحوثي = وخلاه يعرف كلام ماله اثماني
يومه تحيزم بمحزم كله خيانه =باع العروبه من اجل عيون الايراني
هو يحسب ان الذي غره بيفزع له =ويجيه فازع على عز وعلى شاني
مايدري ان الذي غره تولس به =نار تلظى لها شعله ودخاني
ثورة براكين تشويهم من الادنى =في قم دار الخنا ولا تهون طهراني
وعقب التغطرس وشوف النفس والزومه =يبا يشوف المهونه شوف الاعياني
ويجفل من اسم السعودية وطاريها =ولغيره يصير عبره طول الازماني

بــدر القويضي العياضي