الجائزة لافي تعلى سنامها

نبارك للشاعر العلم \ لافي بن حمود الغيداني هذا التميّز الغير مستغرب وهذا الاستحقاق المتوقع جائزة مسابقة سلطان وكان فوز الشاعر الكبير \ لافي غير مستغرب على شاعر كبير الف مبروك للاخ الشاعر \ ابو حمود هذه الجائزة .

عد الروا ماردك والنفس طايبه = ياهجس ياللي للجزل دوم جايبه
هاتي درر دام المشاعر تزايدت =ودام الفخر بالقلب نوخ ركايبه
نوخ ركايب للتخاتيخ قاطعه =حراير ماهي عن المجد غايبه
وركبت انا حرّه تفاخر بحالها =ودرهمت في جو زادت طرايبه
تسبق هبوب الريح ويشوش راسها =طربانة في جو كثرت كسايبه
طربانه والنفس تطرب بجوها =دام السعد هلت علينا سحايبه
من شاشة المرقاب جتنا بشايره =ان ابن عمي رميته دوم صايبه
لافي سليل العز والمجد نايله =جبال الشعر من هاجسه دوم ذايبه
الجائزة لافي تعلى سنامها =شاعر بحر من الشواعير هايبه
ركب على صفرا قضعت كل نادره =وراحت سبايا الشعر في كل خايبه
هجسه على عد الروا ذاع صيتها =بطرق على غيره تكاثر صعايبه
يرمي هدف ويصيب هذي عوايده =فضل من اللي ماتعدد وهايبه
يقطف ثمار القاف يترك هزايله =وجو الشعر تاتيك صافي هبايبه
هبايب تجلي عن النفس ضيقها =بغزايز ابن حمود والنفس طايبه
موطن شعر شاعر وطن في غزايزه =علم من اعلام الشعر في عذايبه
هذا الذي فيه القوافي تفاخرت =حر شهر من فوق عالي جذايبه